പ്രണയം
'''''''''''''''''''''''''''
സർവ്വപ്രപഞ്ചവും പ്രണയിനിതൻകണ്ണിൽ
ദർശിച്ചിടുമ്പോളതല്ലോ പ്രണയം
സർവ്വപ്രപഞ്ചത്തെ മറന്നിട്ടൊരാളെത്ത-
ന്നുൾക്കണ്ണിൽ കാണ്മതല്ലോ പ്രണയം
സ്വപ്നങ്ങൾ ചേർത്തൊരു നിറക്കൂട്ടൊരുക്കുന്ന
അത്ഭുതപ്രതിഭാസമതല്ലോ പ്രണയം
ആ നിറക്കൂട്ടിനാലണിയിച്ചൊരുക്കി തൻഹൃത്തിൽ
പ്രണയിയെ പ്രതിഷ്ഠിക്കലല്ലോ പ്രണയം!
വിരഹം
''''''''''''''''''''''''''''
പ്രണയത്തിൻ വേർപാടിൽ തുളുമ്പുന്നകണ്ണീരിൽ
കുതിരുംസാമ്രാജ്യത്തിൻ പേരല്ലോ വിരഹം
പിൻവിളിച്ചോടിയടുത്തെത്താൻ കൊതിച്ചാലും
കണ്ഠത്തിൽ കുരുങ്ങുമൊരു ഗദ്ഗതം വിരഹം!
ഒരു ശോകഗീതത്തിലലിയുവാൻ വിതുമ്പുന്ന
ആർദ്രമാം രാഗത്തിൻ പേരല്ലോ വിരഹം
പരസ്പരം കലഹിച്ചു വഴിപിരിയുമ്പോളും
ഹൃത്തിലൊളിച്ചിടും നൊമ്പരം വിരഹം!
കാമം
'''''''''''''''''''''''
ഒരു സാഗരത്തിലലിഞ്ഞിടാൻ തിടുക്കത്തിൽ
ഒഴുകുന്ന പുഴയുടെ വാഞ്ഛയല്ലോ കാമം
മതിലേഘയിൻ പ്രഭയെ പുണരുവാൻ വെമ്പുന്ന
വെൺമേഘശകലത്തിൻ കൊതിയല്ലോ കാമം!
No comments:
Post a Comment