സ്വപ്നക്കാവ്

സ്വപ്നക്കാവ്
'''''''''''''''''''''''''''''
സ്വപ്നക്കാവിലെ പൂവല്ലികളിൽ
പൂക്കൾ വിടർന്നല്ലോ
സ്നേഹപ്പൂക്കൾ വിടർന്നല്ലോ
സ്വർണ്ണവർണ്ണക്കിളികൾവന്നൊരു
ഗീതമുതിർത്തല്ലോ
സൗഹൃദത്തിന്നീണംമൂളീല്ലോ

ഇന്നലെരാവിലും മാനത്തിൻമുറ്റത്ത് പൂക്കൾ വിരിഞ്ഞല്ലോ....
ആയിരമായിരം പവിഴമല്ലിപ്പൂക്കൾ വിരിഞ്ഞല്ലോ....
നിലാവിൽ നീന്തി പൂക്കളിറുത്തു ഞാൻ
അമ്പിളിയാകും പൂവട്ടിയിൽ നിറച്ചോട്ടേ
ഓണപ്പൂക്കളമൊരുക്കാനായ് ഞാൻ
പൂവട്ടിയിൽ നിറച്ചോട്ടെ,....

കിഴക്കേവാനമൊരു നവോഢയെപ്പോൽ ചോന്നുതുടുത്തല്ലോ....
കതിരോനയച്ചൊരാ മലരമ്പേറ്റു ചോന്നുതുടുത്തല്ലോ...
ഒരുവഞ്ചിപ്പാട്ടുമായി മേഘത്തിരമാലകളിലൂടെ
തുഴഞ്ഞുവന്നോട്ടേ....
ചക്രവാളത്തീരംപൂകാൻ ഞാനൊന്ന്
തുഴഞ്ഞുവന്നോട്ടേ......
'''''''''''''''''''''''''''''''''''''''''
ഗീതാഞ്ജലി 🎵🎵🎵