Friday, July 19, 2019

നീർക്കുമിളകൾ

നീർക്കുമിളകൾ
"" "" "" "" "" "" "" ""
ഇന്നെൻറെ സ്വപ്നത്തിൻ തീരത്തണയുന്ന
ഇളംതെന്നലെന്നെ തഴുകുമ്പോൾ

നീർക്കുമിളകൾപോൽ   മിന്നിമറയുന്നു
നിദ്രയിൽക്കണ്ട സ്വപ്നങ്ങളെല്ലാം

മോഹിപ്പിച്ചീടുമൊരു പനിനീർപ്പൂവിൻ
മോഹനദളങ്ങൾ കൊഴിഞ്ഞിടും

വശ്യസൗന്ദര്യനിറപ്പൊലിമ മായുമ്പോൾ
വാർദ്ധക്യം വിരുന്നുവന്നീടുന്നു

ഈയുലകത്തിലനന്തമായൊന്നുമേ
വാഴുകയില്ലെന്നതു സത്യമേ

കാലയവനികയ്ക്കുള്ളിൽ മറയുമീ
മുഗ്ദ്ധസൗന്ദര്യമേതുമേ ഭൂവിൽ

വാഴുവാനില്ലൊരു മാർഗ്ഗവുമിന്നൊരു
യൗവനപ്രായം കടന്നുപോയാൽ

എന്തിനഹങ്കരിച്ചീടുന്നു നിങ്ങൾതൻ
ശാശ്വതമല്ലാത്തൊരവസ്ഥയെച്ചൊല്ലി?
"" "" "" "" "" "" "" "" "" "" "" "" "" "" "" "" "" "" "" "
7-7-2019



 

No comments:

Post a Comment