ഒരുമ

ഒരുമ
"" "" "" "
സ്നേഹത്താൽ ബന്ധിതരാകട്ടെ മാനുഷർ
ആശ്വാസമായെന്നുമെന്നും

ചേർന്നിടട്ടെന്നും ഹൃദന്തങ്ങളൊരുമയാൽ
കാലുഷ്യമന്യേയീ ഭൂവിൽ

സ്നേഹക്കതിരെല്ലാം  വാരിയെടുത്തിടാം
വെറുപ്പിൻ പതിരകറ്റീടാം

എന്തിനു മത്സരിച്ചീടുന്നീ ജീവിത-
നാടകത്തിന്നന്ത്യം വരെ

എന്നു തിരശ്ശീല വീഴുമെന്നറിയാൻ
വയ്യാത്ത നാടകമല്ലോ

എങ്ങനെ സ്പർദ്ധതൻ കാർമേഘപടലങ്ങൾ
പടർന്നൂ മാനസവാനിൽ?

ഒരുമതൻ കുളിർമഴച്ചാറ്റലിൽ നനഞ്ഞീടാം
ശാന്തത കൈവരിച്ചീടാം

സ്നേഹത്തിൻ പുഴയായൊഴുകിടാമീ ഭൂവിൽ
ആർദ്രതതൻ തെന്നലാവാം
"" "" "" "" "" "" "" "" "" "" "" "" "" "" "" "" "" "" "" "" "" "" "
ഗീതാഞ്ജലി
23-6-2019