അണയാത്ത ദീപം

 അണയാത്ത ദീപം

"" "" "" "" "" "" "" "" "" ""
അരുണോദയമെന്നിലുണ്ടിതാ
നിറമാർന്നുതുടുത്തൊരോർമ്മയായ്
ഇരുളാർന്നൊരു ജീവിതത്തിലും
അണയാത്തൊരു ദീപമായിതാ

സ്മൃതിതൻ തിരകൾ വരുന്നിതാ
കുളിരായണയാൻ  മനസ്സിലും
മലരും തളിരും നിറഞ്ഞൊരീ-
യുലകം  മമ  മാനസം ചിരം

വിരുതിൽ പലയോർമ്മകൾ  സദാ
തെളിയും നിറദീപമായിതാ
തുടരും മമ വഞ്ചിയാത്രയിൽ
സ്മൃതിതൻ തിരകൾ നിലയ്ക്കുമോ?

ഒഴുകും പുഴപോലെയോർമ്മകൾ
ചൊരിയും നവചിന്തയെന്നുമേ
വളരും ചെറുചില്ലയായിതാ
തളരാതൊരു നേരമെന്നിലും
(വൃത്തം - സുമുഖി)
"" "" "" "" "" "" "" "" "" "" "" "" "" "" ""
ഗീതാഞ്ജലി
29-3-2021