ബിനാലെ കലാപ്രദർശനം
**************************
ബിനാലെ ചിത്രഭംഗികൾ
മനം നിറച്ചു കണ്ടു ഞാൻ
നിറങ്ങളാൽ നിറഞ്ഞൊരാ
കലാപ്രപഞ്ചമാണിതാ
മനോഹരം പ്രദർശനം
വിരിഞ്ഞിതാ മനസ്സിലും
മലർകളിൻ നിറങ്ങളാൽ
ചമച്ചിതാ കലോത്സവം
കലാപ്രപഞ്ചവേദിയിൽ
വിശിഷ്ടചിത്രചാതുരി
നടന്നു കണ്ടു ഞാൻ മനം
മയക്കുമീ വിരുന്നിനെ
വിടർന്നു കണ്ണുകൾ സ്വയം
സവിസ്മയത്തിനാൽ സഖേ
നലം നിറഞ്ഞു ഹൃത്തിലും
ചിരം സ്മരിച്ചിടാനിതാ
വൃത്തം -പ്രമാണിക
താളം -തതം തതം തതം തതം
ഗീതാഞ്ജലി
9-1-2026
********************************************
No comments:
Post a Comment