ഓർമ്മകൾ

 ഓർമ്മകൾ 

**************

എൻ്റെ മനസ്സിൻ ഓർമ്മത്താളിൽ

നീ കോറിയിട്ട കവിതകൾ 

നീറ്റുന്നുണ്ടെന്നാത്മാവിനെ

കനലിലെരിയും വിറകുപോൽ

 അലയടിച്ചെത്തുമീയോർമ്മകൾ

ചുട്ടുപൊള്ളിക്കുന്നു ചിലപ്പോൾ 

അന്തരാത്മാവിനെയടിക്കടി

കുളിരണിയിക്കുന്നു മറ്റു ചിലപ്പോൾ 

ഓർമ്മകളാകും തിരകളടിച്ചുയർന്നു

എൻ്റെ കാല്പാദങ്ങളെ ചുംബിച്ച് 

പിൻവലിയുന്നു കുറ്റബോധത്താൽ

എങ്കിലും കുളിരണിഞ്ഞെൻ പാദങ്ങൾ 

ചില ഓർമ്മകൾ മനസ്സിൻ്റെ മണിച്ചെപ്പിൽ മണിച്ചിത്രത്താഴിട്ടു പൂട്ടി 

ഒളിപ്പിച്ചുവക്കാനുള്ളതാണ്

ആരും കാണാതെ 

നിൻ്റെ സ്നേഹത്തിൻ മഴയിൽ 

നനയുന്നുണ്ടിന്നുമെൻ മനം 

നിൻ്റെയോർമ്മകളെന്നിൽ

ജ്വലിക്കുന്നുണ്ടെന്നുമെന്നും

നിൻ്റെ ഓർമ്മകളെ തള്ളിമാറ്റാൻ

ശ്രമിച്ചിടുമ്പോഴും

കൂടുതൽ ശക്തിയോടെന്നിൽ

അലയടിച്ചെത്തുന്നു 

ഒരു പ്രണയകവിതതൻ

വരികളായെന്നിൽ

നിന്നോർമ്മകളെ ഞാൻ 

പകർത്തിവെക്കട്ടെ 

ഹൃദയം ചുട്ടുപൊള്ളുമ്പോൾ 

വായിച്ചിടാനായിക്കവിത

സുഗന്ധം പകരുമൊരു 

കുളിർകാറ്റായെന്നിൽ നിറയാൻ.

ഗീതാഞ്ജലി 

26-10-2025

https://www.facebook.com/share/p/1CkDNYfGRy/