അണയാത്ത ദീപം
"" "" "" "" "" "" "" "" "" ""
അരുണോദയമെന്നിലുണ്ടെടോ
നിറമാർന്നുതുടുത്തൊരോർമ്മയായ്
ഇരുളാർന്നൊരു ജീവിതത്തിലും
അണയാത്തൊരു ദീപമായിതാ
സ്മൃതിതൻ തിരകൾ വരുന്നിതാ
കുളിരായണയാൻ മനസ്സിലും
മലരും തളിരും നിറഞ്ഞൊരീ-
യുലകം മമ മാനസം ചിരം
വിരുതിൽ പലയോർമ്മകൾ സദാ
തെളിയും നിറദീപമായിതാ
തുടരും മമ വഞ്ചിയാത്രയിൽ
സ്മൃതിതൻ തിരകൾ നിലയ്ക്കുമോ?
ഒഴുകും പുഴപോലെയോർമ്മകൾ
ചൊരിയും നവചിന്തയെന്നുമേ
വളരും ചെറുചില്ലയായിതാ
തളരാതൊരു നേരമെന്നിലും
(വൃത്തം - സുമുഖി)
തതതം തത തംതതംതതം
ഗീതാഞ്ജലി
"" "" "" "" "" "" "" "" "" "" "" "" "" "" ""
No comments:
Post a Comment