അലയാഴി

 അലയാഴി

"" "" "" "" "" ""

ആരവം മുഴക്കുന്നലകളാവേശമോടെ

ആഴിയോ തിരക്കിട്ടാടുന്നു തൊട്ടിലായ്

ആരെത്തേടിയണയുന്നു തീരത്തെന്നും

ആടിപ്പാടിയലകളാനന്ദനർത്തനമോടെ

താരാട്ടുപാട്ടായലകളിൻ സംഗീതധാര

തീരത്തെയുന്മാദിനിയാക്കി പിന്നെയും

താളമിട്ടു വരുന്നു മൃദുചുംബനമേകാൻ

താരിളം കൈകൾ വീശി പവനനുമിതാ

മായാത്തയോർമ്മകൾ പോലെയല്ലോ

മാലകളായ് പിന്നെയും പിന്നെയുമോടി

മാറ്റൊലിയുമായലയാഴിതൻ തിരകൾ 

മാറോടു ചേർക്കുന്നു തീരത്തിനെ വീണ്ടും 

എങ്കിലും പിരിഞ്ഞോടുന്നു പുറകിലേക്ക്

എന്തിനു വേണ്ടിയീ വിരഹം, പറയൂ തോഴീ

എത്തിനോക്കുന്നാദിത്യനും മുങ്ങിത്താഴവേ

എന്നുമീയാഴിയി,ലമൂല്യമാം നിധി തേടവേ

"" "" "" "" "" "" "" "" "" "" "" "" "" "" "" "" "" "" "" "" "" 

ഗീതാഞ്ജലി

25-7-2020