സൗഹൃദസംഗമം

 സൗഹൃദസംഗമം

*******************
സൗഹൃദസംഗമവേദിയിതല്ലോ
എന്നുടെ തോഴരെ കാണ്മതിനായി
വന്ദിതരായവരീ ഗുരുനാഥർ
തന്ന വരങ്ങളെ വാഴ്ത്തിടുവാനായ്

സൗഹൃദമെന്നുമെ പൂത്തുതളിർക്കാൻ
ഒത്തൊരുമിച്ചിടുവാനതിനല്ലോ
സൗഹൃദസംഗമവേദിയൊരുക്കി-
യെത്തിടുവാനൊരു വാഞ്ഛയതെന്നിൽ

സൗരഭസൂനദലങ്ങളെ പോലെ
ഒത്തൊരുമിച്ചൊരു സൗഹൃദമേളം
ചേർന്നുനടത്തിടുവാനതിഭംഗ്യാ
വാർമഴവില്ലിലെയേഴുനിറംപോൽ

ആദരമേകി ഗുരുക്കളെയോർക്കാൻ
വേദിയൊരുക്കിയ നാളിതു നൂനം
ചേർത്തു പിടിച്ചിടു വന്ദ്യഗുരുക്കൾ
തൻ കരവല്ലിയെ സ്വാഗതമോതാൻ

സുന്ദരമായൊരു സ്വപ്നസമാനം
ഓർമ്മകളോടി വരുന്നതു കാണ്മാൻ
ബാല്യകുതൂഹലമേറിയിതെന്നിൽ
നിർത്ധരി തന്നിലെയോളമതായി

കാവ്യദലങ്ങളെ കോർത്തൊരു മാല്യം
ചാർത്തിടുവാനതിമോഹമതെന്നിൽ
സൗഹൃദസംഗമവേദിയെ പുൽകാൻ
വന്നൊരു കൂട്ടരൊടൊത്തൊരുമിക്കാൻ

എന്നുമെയീഗുരുനാഥരൊടൊപ്പം
ചേർന്നുനടന്നിടുവാനതി മോഹം
സൗഹൃദമെന്നതു ഭാവിയിലോർക്കാൻ
മാധുരിയേകുമൊരാശയതെന്നിൽ

വൃത്തം:ദോധകം
താളം:തംതത തംതത തംതത തംതം
ഗീതാഞ്ജലി
4-9-2025
****************************************