അതിജീവിത
***************
ഉരുകുന്നൊരു ചിന്തയെന്നിലും
അതിജീവിതയിന്നു നേടുമോ
വിജയം പടവെട്ടിവാങ്ങുമോ
തവനീതിയെ തൂക്കിലേറ്റുമോ
പലവർഷമിതാധിയായിതാ
നിറയുന്നു മനസ്സിനുള്ളിലായ്
കനലായെരിയുന്നു സങ്കടം
പല ശങ്കകളുള്ളിലായിതാ
ഇരയല്ലതിജീവിതയ്ക്കിതാ
വിധിനാളിതു നീതി കിട്ടുമോ
പ്രതിരോധമതൊന്നു തീർക്കുമോ
വിടചൊല്ലുവതിന്നു ദുഃഖമോ
തളരും മനമേ പ്രതീക്ഷതൻ
മഴവില്ലിനി കാണുമോ ചിരം
തവപീഡനകാലമോർക്കവേ-
യെരിയുന്നു മനം നിതാന്തമായ്
ഒരു പാഠമതെന്നുമാകണം
മരണംവരെ പീഡകർക്കിതിൽ
ഇനിയും തുടരാതിരിക്കുവാ-
നിതുമാതിരി പീഡനങ്ങളും
സുമുഖി
തതതം തത തംതതംതതം
ഗീതാഞ്ജലി
8-12-2025
**********************************************
No comments:
Post a Comment