ക്രിസ്മസ് ഗാനം
********************
ബെദ്ലഹേമിൻ്റെ മണ്ണിൽ പുൽത്തൊട്ടിലിൽ
കുളിരുള്ള രാത്രിയിലൊരു പൊന്നുണ്ണി പിറന്നു
മാലാഖമാർ കാവൽ നിന്നു
ആട്ടിടയന്മാർ ഹല്ലേലൂയ പാടി
ഇന്നല്ലോ പുണ്യദിനം
ക്രിസ്മസിൻ പുണ്യദിനം (ബെദ്ലഹേമിൻ്റെ
മണ്ണിലേവർക്കും സമാധാനമേകാൻ
പാപങ്ങളെല്ലാം മായിച്ചീടാൻ
ദൈവത്തിൻ പുത്രൻ ഭൂജാതനായി
യേശുദേവൻ ഭൂജാതനായി
ഹല്ലേലൂയ പാടാം സോദരരേ
വാഴ്ത്തിപ്പാടാം ഉണ്ണിയേശുവിനെ (ബെദ്ലഹേമിൻ്റെ........
രാജാക്കന്മാർക്കായ് വഴികാട്ടാൻ
വിണ്ണിൽ നക്ഷത്രമുദിച്ചല്ലോ
സന്തോഷത്തിൻ പൂത്തിരി കത്തിച്ചു
ആടിപ്പാടി ആഘോഷിക്കാം
ഹല്ലേലൂയ പാടാം സോദരരേ
വാഴ്ത്തിപ്പാടാം ഉണ്ണിയേശുവിനെ
(ബെദ്ലഹേമിൻ്റെ........
25-12-2026
**********************************************
No comments:
Post a Comment