മണ്ണ്

 മണ്ണ്

******
ജീവസ്പന്ദനം തുടിച്ചുനിൽക്കുന്ന
മണ്ണു നമ്മുടെയന്നമൊരുക്കുന്നു
സർവ്വചരാചരങ്ങൾക്കും
ധരയിലാശ്രയം മണ്ണുതന്നെ.

ജീവൻ മുളപൊട്ടും മണ്ണിലല്ലോ
സസ്യജാലം തഴച്ചുവളരുന്നു
മണ്ണിതില്ലയെങ്കിൽ ധരയിൽ
ഫുല്ലസുമങ്ങൾ ശോഭയേകുമോ?

മണ്ണിനടിയിൽ വാസംചെയ്യും
ജീവികൾക്കുമഭയസ്ഥാനം.
മനുഷ്യവർഗ്ഗവും മണ്ണിലടിയും
മരണശേഷമെന്നതോർക്ക.

മണ്ണൊരുക്കി കൃഷിയിറക്കാൻ
പാടുപെടുന്നോർ കർഷകന്മാർ
മണ്ണിൽ പൊന്നു വിളയിച്ചീടും
വിയർപ്പു തൂകി കൃഷിവലന്മാർ.

മണ്ണിലല്ലോ പണിതിടുന്നു
കൊച്ചുകൂരയും രമ്യഹർമ്മ്യവും
മണ്ണുമാന്തി മർത്ത്യരൊരുക്കി
വികസനത്തിൻ പുതിയ പാതകൾ.

മണ്ണിലുയരട്ടെ പുതിയ പൂക്കൾ
ഫലവൃക്ഷങ്ങൾ, തണൽമരങ്ങൾ
സംരക്ഷിക്കാം മണ്ണിനെ നാം
നല്ല വിളകൾ കൊയ്തെടുക്കാൻ.
ഗീതാഞ്ജലി
5-12-2021
***********************************************