അവയവദാനം

 അവയവദാനം

****************
അവയവദാനമഹത്ത്വമോതിയാൽ
നിറയുകയായി മനസ്സു തുഷ്ടിയാൽ
മരണമതില്ല തളിർത്തിടും, ജഗം
വെടിയുകിലും ഹൃദയം തുടിച്ചിടും

മരണമടഞ്ഞവനേതു ജാതിയും
മതവുമതെങ്കിലുമൊന്നു മാത്രമേ
അറിയുകവേണമതൊത്തു ചേരുമോ
അവയവമേറ്റൊരു ദേഹിതന്നിലായ്

അവയവദാനമതെത്ര പുണ്യമേ
മടിയതു വേണ്ട നമുക്കു നിശ്ചയം
അഴുകിടുമീ നരദേഹമത്രമേൽ
വരമരുളും ഗതിയറ്റയാൾക്കിതാ

ഇനിയൊരു സമ്മതപത്രമൊപ്പിടാ-
മവയവദാനമതൊന്നു ചെയ്യുകിൽ
അനുകരണീയമിതെന്നു ചൊല്ലിയീ
മനുജകുലത്തിനു പുണ്യമേകുവാൻ

പുതിയൊരു താങ്ങുകൊടുക്കുവാൻ പരം
മനമലിവാലെ പരോപകാരമേ
അവയവദാനമിതെന്നുമിച്ഛയാൽ
തുടരുകവേണമിതത്ര നൽവരം.

വൃത്തം:മാനിനി
താളം:തതതത തംതത തംത തംതതം
ഗീതാഞ്ജലി
25-9-2025
*******************************************