വിഷുപ്പുലരി

 വിഷുപ്പുലരി

"""""""""""""""""""

മഞ്ഞപ്പട്ടുപാവാട ഞൊറിഞ്ഞെത്തി

കർണ്ണികാരം വീണ്ടുമീ വിഷുപ്പുലരിയിൽ 

കണ്ണനെ കണി കാണാൻ ഒരുങ്ങിയല്ലോ 

മേടമാസത്തിൽ വിഷുപ്പക്ഷിയും

പൂചൂടിനില്ക്കും കണിക്കൊന്ന കാറ്റിൽ 

അഴകേറും കഥകളിയാടുന്ന വേളയിൽ 

മനസ്സിൽ സൂക്ഷിച്ച മയിൽപ്പീലി വിടർത്തി

ഞാനുമെൻ കണ്ണനെ കാത്തിരിക്കുന്നു 

കണ്ണുപൊത്തി യാമിനി ദൂരെ മറയുന്നേരം

കണ്ണിൽ കൗതുകം പേറി വന്നല്ലോ പുലരി

വിഷുക്കണിനീട്ടങ്ങൾ തരുവാൻ വന്നതോ

ആദിത്യകിരണങ്ങൾ വിഷുപ്പുലരിയിൽ 

നിറഞ്ഞല്ലോ മനവും കണികാണവേ

 മറഞ്ഞല്ലോ തിന്മയീയുലകിൽനിന്നും

വാൽക്കണ്ണാടിയും കരിമഷിയും കദളിയും 

കണിവെള്ളരിയും കണിവച്ചു ഞാൻ 

--------------------------------------------------------------

ഗീതാഞ്ജലി 

14-4-2025

********************************************