ഞാനും നീയും

 

ഞാനും നീയും
****************
ഞാനെഴുതിയ കവിതയിലെ
ഈണമാണ് നീ
ഞാനെന്നൊരു പ്രഭാതത്തിൻ
ശോഭയാണു നീ

ഞാനെന്ന നിലാവിലലിഞ്ഞ
വെള്ളിവെളിച്ചം നീ
ഞാനെന്ന മഴവില്ലിൽ നിറഞ്ഞ
വർണ്ണവിസ്മയം നീ

ഞാനെന്ന മൺവീണയിലുണരും
സ്വരമാധുര്യം നീ
ഞാനെന്ന മാലയിൽ കൊരുത്ത
മുത്തിൻ ശോഭ നീ

ഞാനെന്ന ശാഖിയിൽ പടർന്ന
മുല്ലവള്ളിയാണു നീ
ഞാനെന്ന മഴയിലലിഞ്ഞൊരു
കുളിരാണ് നീ

ഞാനെന്ന ചന്ദനലേപത്തിലലിയും
സൗരഭ്യമാണ് നീ
ഞാനെന്ന മാമ്പഴക്കനിയിലെ
മാധുര്യമാണ് നീ

ഞാനാകും പാരാവാരത്തിലെ
തരംഗമാണു നീ
ഞാനാകും പനിനീർപ്പൂവിൻ
പുഞ്ചിരിയാണു നീ

നീയില്ലെങ്കിൽ ഞാനില്ല
എൻ പ്രിയമേ
നീയെന്നിൽ നിറയുമ്പോൾ
പൂർണ്ണതയെന്നും.
ഗീതാഞ്ജലി
12-9-25
********************************************