കള്ളനാണയങ്ങൾ

 കള്ളനാണയങ്ങൾ

****************
കള്ളങ്ങളേറിയ മനുജനുണ്ടോ
കള്ളപ്പണം വെളുപ്പിക്കാൻ ഭയം?

കള്ളനെന്നു തെളിയിച്ചെന്നാലും
തെളിയിച്ചവരിവർക്കു കുറ്റക്കാർ

നെഞ്ചുവിരിച്ചു ന്യായീകരിക്കാൻ
തെല്ലുമില്ലിവർക്കൊരു ലജ്ജയും

സ്ത്രീകളുടെ മാനംപോലും കവരാൻ
മറ്റൊരു കൂട്ടരുണ്ടിവിടെ വിലസുന്നു

ഗർഭച്ഛിദ്രമിവർക്കു കുട്ടിക്കളിയായി
മാറുന്ന കാഴ്ചയല്ലോ കാണ്മൂ ചുറ്റും

കാണുന്നൊരെല്ലാ പൂക്കൾ തോറും
മധുനുകർന്നു പായുന്നോരിവർ

നിർലജ്ജമഴിഞ്ഞാടുന്ന പീഡന -
വീരന്മാരെ പിന്താങ്ങുമണികളും

ഇവർക്കു തുണയായി സൈബർ-
പ്പോരാളികൾ പണമെറിയുന്നു ഹാ!

ആത്മാഹുതിതൻ കയത്തിലേക്കു
നിസ്വാർത്ഥ സേവകരെ തള്ളിവിടും

വെള്ള ധരിച്ച രാഷ്ട്രീയനേതാക്കളും
അരങ്ങു വാഴുന്നിവിടെ യഥേഷ്ടം

ഇവർക്കു ശിക്ഷ കൊടുക്കുവാനീ
നാട്ടിലൊരു കോടതിയുമില്ലയെന്നോ

എങ്കിലുമീ മൂഢരെ ശിക്ഷിച്ചിടുവാൻ
എത്തുമൊരു തിരഞ്ഞെടുപ്പിൻ നാൾ

പീഡിപ്പിക്കപ്പെട്ടൊരാത്മാക്കൾതൻ
നൊമ്പരമന്നലയടിച്ചുയരുമ്പോൾ

കള്ളനാണയങ്ങളെ തിരിച്ചറിഞ്ഞിടാ-
നൊന്നിച്ചീടും ജനതയൊന്നാകവേ
ഗീതാഞ്ജലി
13-9-2025
*****************************************