സമരസൂര്യൻ

 സമരസൂര്യൻ(വി.എസ്.അച്ചുതാനന്ദൻ)

****************
മുന്നണിപ്പോരാളി വി.എസ്സേ
മണ്ണിൽനിന്നു മാഞ്ഞെന്നാലും
മറക്കുകില്ലങ്ങയെ ഞങ്ങൾ
മനുഷ്യത്വത്തിൻ പ്രതിരൂപമേ

ജീവിതയാത്രതൻ നാൾവഴികൾ
ധീരമായി കടന്നുപോയ
വിപ്ലവത്തിൻ നായകാ
ആയിരമഭിവാദ്യങ്ങൾ

കണ്ണേ കരളേ വി.എസ്സേ
കറകളഞ്ഞ കമ്മ്യൂണിസ്റ്റേ
അജയ്യനായി ജീവിക്കും
ജനഹൃദയങ്ങളിൽ നീ

അധഃസ്ഥിതർക്കായി നീ
പൊരുതിനിന്ന നാളുകൾ
മറന്നിടുവാൻ സാദ്ധ്യമല്ല
പ്രിയസഖാവേ ലാൽ സലാം

അണിനിരന്നിടുന്നു നിൻ്റെ
പിന്നിലൊറ്റ വികാരമായി
വിതറിടുന്നു ചുവന്ന പൂക്കൾ
നീ വരുന്ന വീഥിയിൽ

സമരസൂര്യൻ എരിഞ്ഞടങ്ങും
നാളിൽ ഞങ്ങൾ വിതുമ്പവേ
അസ്തമിക്കില്ലൊരിക്കലും
നിൻ സ്മൃതികൾ ഞങ്ങളിൽ

ഗീതാഞ്ജലി
21-7-2025
***************************************