വന്യജീവി

വന്യജീവി

''''''’''''''''''''''''''''''''''''

വന്യജീവി
"" "" "" "" "" "
കാടിൻറെ പ്രിയമക്കൾക്കാരുകൊടുത്തു

വന്യജീവിയെന്ന വിചിത്രനാമം?

ക്രൂരമായ പകയുടെ ഖഡ്ഗം വഹിക്കുന്ന

മർത്ത്യരല്ലോ മണ്ണിൽ വന്യജീവി!

അന്യോന്യമാർദ്രതകാട്ടുന്ന ജീവിക്ക്

വന്യജീവിയെന്നൊരു നാമമേകും

നാടിൻറെ മക്കളോ കണ്ടുരസിക്കുന്നു

അപരന്റെ പ്രാണൻ പിടയും നേരം

ആപത്തിൽപെട്ടൊരു ജീവൻ പൊലിയവേ

'സെൽഫി'യെടുത്തിടാൻ വെമ്പുന്നോരെ

വന്യരിൽ വന്യരായ് മാറുന്ന ജീവിയെ

വിളിച്ചിടാൻ പുതുനാമം തേടിടുക

പ്രകൃതിയെ സ്നേഹിച്ചിണങ്ങുന്ന കൂട്ടരോ

പ്രകൃതിയെ ക്രൂശിക്കുന്നോരോ വന്യർ?

പ്രകൃതിതൻവിഭവങ്ങൾ തൻറേതുമാത്രമായ്
പൂഴ്ത്തിവച്ചിടുന്നോൻ വന്യജീവി!

സ്വന്തവും ബന്ധവും ഏതുമേ നോക്കാതെ
കൊലചെയ്തിടുന്നോർ മർത്ത്യർ മാത്രം

കാമാർത്തിപൂണ്ടൊരു പിഞ്ചുബാലികയെ
ഇരയാക്കാൻ തക്കംപാർത്തുനടപ്പവർ

ഈ ഭൂവിൽ വേറേതു ജീവികളിമ്മട്ടിൽ
വന്യജീവിയെന്ന പേരിനർഹർ?

കാടിൻറെ നന്മയെ ചൂഷണം ചെയ്യാനായ്
കാടിറങ്ങുന്നോനല്ലോ വന്യജീവി

കാടിൻറെ മക്കൾതൻ കുടിനീരുവറ്റിക്കാൻ
തുനിയരുതേ, വന്യജീവികളേ!
"" "" "" "" "" "" "" "" "" "" "" "" "" "" "" "" "" "" "" "
ഗീതാഞ്ജലി