ഒരു ജവാന്റെ മകൻ

ഒരു ജവാന്റെ മകൻ

"""""""""""""""""""" 

ഇന്നുമെഴുതാത്തൊരു ഗ്രന്ഥത്താളിലെ

ഇമ്പമാർന്ന വരികളാണെന്നച്ഛൻ

നാളിതുവരേയ്ക്കും അണിയാചിലങ്കതൻ 

താളവും രാഗവുമാകുന്നുയെന്നച്ഛൻ!കാണാതെ എൻമനക്കണ്ണിൽ തെളിഞ്ഞൊരാ കല്യമാം

പൊൻവിഗ്രഹമെന്നച്ഛൻ!

കാറ്റിലുലഞ്ഞാടുമൂരിനെകാക്കുവാൻ 

കൂടുപേക്ഷിച്ച മൈനയാണെന്നച്ഛൻ!അമ്മതൻനെഞ്ചിലെ നോവിന്റെ തേങ്ങലായ്

അടക്കിയൊരശ്രുബിന്ദുവെന്നച്ഛൻ!വന്നില്ലരങ്ങത്തു പിന്നീടതെങ്കിലും 

എന്നുമരങ്ങുകൊഴുപ്പിച്ചതുമച്ഛൻ! 

കാണാക്കിനാവിന്റെ പാല്നിലാപൊയ്കയിൽ

കാനനപ്പൂവായ് വിടരുന്നതുമച്ഛൻ! 

ഞാനെന്നനാളം തെളിയുന്നതിൻ മുന്നേ 

ഭൂമിയിൽകത്തിയെരിഞ്ഞതുമെന്നച്ഛൻ ..

ഏതോവിദൂരമാം ചക്രവാളത്തിലായ് 

എന്നെ നോക്കിച്ചിരിതൂവുന്നതുമച്ഛൻ .. 

രക്തസാക്ഷിയാമൊരുജവാനായല്ല ,

നൽരത്നംപതിച്ചൊരു മാരിവില്ലായ്
"" "" "" "" "" "" "" "" "" "" "" "" "" "" "" "" "" "" "" "" 

ഗീതാഞ്ജലി

3-5-2017