പുനർജന്മം
''''''''''''''''''''''''''''''''''''''
വാക്കിൻറെമുനകളാലസ്ത്രം തൊടുക്കുന്ന
മാനുജരോടില്ലിനിയെനിക്കുപ്രിയം
സ്നേഹത്തിൻപൂക്കാലം വിടരുന്ന വേളയിൽ
ഒരുപനിനീർപുഷ്പമായ് പുനർജ്ജനിക്കാം
ആർദ്രമാംഭാവങ്ങളുണർത്തുന്ന കലകളെ
വീണ്ടുമൊരുജന്മത്തിൽ പ്രണയിച്ചിടാൻ
പ്രകൃതിതൻചൂഷണം കലയാക്കിമാറ്റിയ
മർത്ത്യസംസ്കാരത്തെയെതിർത്തീടുവാൻ
ഒരു ഗ്രന്ഥത്താളിലെയക്ഷരക്കൂട്ടമായ്
ഒരു പ്രണയകാവ്യത്തിന്നലകളായ്
പ്രപഞ്ചത്തിൽ നിറയുവാൻ സാനന്ദമാടാൻ
ഒരു കാൽച്ചിലമ്പിലെ ശ്രുതിയായിടാൻ!
എൻമൊഴികളിൽ നാനാർത്ഥം ചികയാത്ത കൂട്ടരിൽ
സ്നേഹത്തിൻ പര്യായമായിമാറാൻ
രാജ്യത്തിന്നതിർത്തികൾ ലക്ഷ്മണരേഖകൾ
വരച്ചിടാവാനത്തിൽ വിഹരിച്ചിടാൻ
സ്നേഹത്തെയെരിതീയിൽ വറുത്തിടും ഭാഷയെ
ഒരുകുയിൽനാദമായ് തോല്പിച്ചിടാൻ
പ്രകൃതിയിൽ സ്നേഹത്തിൻവർണ്ണങ്ങൾ വിതറുന്ന
പൂക്കളിൽ സൗരഭ്യമായിമാറാൻ
ഇനിയുമൊരുജന്മമെടുത്തിടാമീഭൂവിൽ
നരജന്മമായിനി പിറക്കവേണ്ട!
''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
ഗീതാഞ്ജലി
15-2-2018
''''''''''''''''''''''''''''''''''''''
വാക്കിൻറെമുനകളാലസ്ത്രം തൊടുക്കുന്ന
മാനുജരോടില്ലിനിയെനിക്കുപ്രിയം
സ്നേഹത്തിൻപൂക്കാലം വിടരുന്ന വേളയിൽ
ഒരുപനിനീർപുഷ്പമായ് പുനർജ്ജനിക്കാം
ആർദ്രമാംഭാവങ്ങളുണർത്തുന്ന കലകളെ
വീണ്ടുമൊരുജന്മത്തിൽ പ്രണയിച്ചിടാൻ
പ്രകൃതിതൻചൂഷണം കലയാക്കിമാറ്റിയ
മർത്ത്യസംസ്കാരത്തെയെതിർത്തീടുവാൻ
ഒരു ഗ്രന്ഥത്താളിലെയക്ഷരക്കൂട്ടമായ്
ഒരു പ്രണയകാവ്യത്തിന്നലകളായ്
പ്രപഞ്ചത്തിൽ നിറയുവാൻ സാനന്ദമാടാൻ
ഒരു കാൽച്ചിലമ്പിലെ ശ്രുതിയായിടാൻ!
എൻമൊഴികളിൽ നാനാർത്ഥം ചികയാത്ത കൂട്ടരിൽ
സ്നേഹത്തിൻ പര്യായമായിമാറാൻ
രാജ്യത്തിന്നതിർത്തികൾ ലക്ഷ്മണരേഖകൾ
വരച്ചിടാവാനത്തിൽ വിഹരിച്ചിടാൻ
സ്നേഹത്തെയെരിതീയിൽ വറുത്തിടും ഭാഷയെ
ഒരുകുയിൽനാദമായ് തോല്പിച്ചിടാൻ
പ്രകൃതിയിൽ സ്നേഹത്തിൻവർണ്ണങ്ങൾ വിതറുന്ന
പൂക്കളിൽ സൗരഭ്യമായിമാറാൻ
ഇനിയുമൊരുജന്മമെടുത്തിടാമീഭൂവിൽ
നരജന്മമായിനി പിറക്കവേണ്ട!
''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
ഗീതാഞ്ജലി
15-2-2018
No comments:
Post a Comment