ഓസോൺ ദിനം-സെപ്റ്റംബർ 16

 

ഓസോൺ ദിനം-സെപ്റ്റംബർ 16
""""""""""""""""""""""""""""""""""""""""""""
വിണ്ണിലേക്കുയരും പുകച്ചുരുളുകൾ
മണ്ണിൽ മരണക്കെണി തീർക്കവേ
ഭൂമിയെ മലിനമാക്കാൻ മടിയ്ക്കാത്ത
മാനുഷാ നിൻകുഴി നീ കുഴിക്കുന്നു

തേങ്ങുന്നു പൃഥിതൻ മനം ചൂടേറ്റ്
കരിയുന്നുലയുന്നു വിഷം ശ്വസിച്ച്
ഉയരുന്നു ഭൂമിതൻ നെടുവീർപ്പുകൾ
മാനുഷാ നീയിതു കേട്ടിടുമോ?

പച്ചപ്പു വറ്റി വരണ്ടുപോയൊരു ഭൂവിന്
ദാഹജലം നീയേകുമോ മർത്ത്യാ?
നീ തീർത്ത പുകക്കുഴലുകൾ തുപ്പുമീ
മലിനമാം ധൂമം നിറഞ്ഞൊഴുകുന്നു.

ഭൂമിതന്നാത്മാവിൻ നിലവിളിയുയരുന്നു
കേട്ടിടാനെന്തേ നീ വൈകിടുന്നിന്നും
ഭൂമികുലുക്കവും വരൾച്ചയും പ്രളയവും
ഭാവങ്ങളല്ലോ പല നിലവിളികൾതൻ

കൊല്ലരുതേ, നിന്നെ സംരക്ഷിച്ചീടുന്ന
ഭൂവിനെയിനിയും നീ നോവിക്കരുതേ
ഭൂമിതൻ കണ്ണീരു കാണാതെ പോകയോ
മർത്ത്യാ നീ പെരുവഴിയിലാകരുതേ
"" "" "" "" "" "" "" "" "" "" "" "" "" "" "" "" "" "" "" ""
ഗീതാഞ്ജലി
16-9-2020