ലളിതഗാനം(മലയാളനാടേ)
"" "" "" "" "" "" ""
മലയാളനാടേ മലയാളനാടേ
നീയെൻ സ്വർഗ്ഗമല്ലേ
മരതകക്കാന്തിയണിഞ്ഞുനില്ക്കും
നിന്നഴകിനെ വാഴ്ത്തുമീയുലകം
(മലയാളനാടേ....)
മാവേലിപ്പാട്ടിൻറെ തനിമകളിൽ നിറയും
മധുവൂറുമീണത്തിൽ നീ നിറയും
മധുരപ്പതിനേഴിലാണല്ലോ നീ നിത്യം
മയൂരമായിനിയെന്നും നർത്തനമാടൂ
(മലയാളനാടേ.....)
കലയുടെ പൈതൃകകാൽച്ചിലമ്പൊലികൾ
കണ്ടു നിൻ നടനത്തിൻ താളലയങ്ങളിൽ
കമനീയമാകുമീ മലയാളമൊഴിയെ
കനകക്കിരീടമണിയിച്ചിടാനണയൂ
(മലയാളനാടേ.....)
No comments:
Post a Comment