ആധിപത്യം

 ആധിപത്യം 

"" "" "" "" "" ""
ആധിപത്യമെന്നെന്നുമൂട്ടിയുറപ്പിച്ചു
വാഴുന്നരചർ പലതലങ്ങളിൽ
അവരുയർത്തുന്ന വാളിൻമുനയാൽ
മുറിവേല്ക്കുന്നവരനേകമല്ലോ

വീടുകളിൽ  ഗൃഹനാഥൻ ചൊല്ലുന്ന
വാക്കുകൾക്കെതിരു നില്ക്കരുതാരും
നിന്നാലോ പീഡനമനുഭവിച്ചീടുകതന്നെ
നരാധമനു തിരുവായ്ക്കെതിർവായില്ല

നേതാവിന്നാധിപത്യം സഹിക്കുമണികൾ
നിന്നിടുന്നു വിറയാർന്നൊരുടലുമായ്
ഓച്ഛാനിച്ചു നിന്നീടിൽ പ്രീതിക്കു പാത്രമാകാം
ഓർത്തുകൊള്ളുക ധിക്കാരമരുതെന്ന്

തൊഴിലിടങ്ങളിൽ മേലാളന്മാർതന്നാധിപത്യം
തൊഴിലാളികളെ നരകത്തിലേറ്റുന്നുവല്ലോ
എതിർവാക്കൊന്നു മൂളിയാൽ പുറത്താക്കും
കഠിനഹൃദയരുമാധിപത്യമരക്കിട്ടുറപ്പിക്കുന്നു.
"" "" "" "" "" "" "" "" "" "" "" "" "" "" "" "" "" "" "" "" "" "" "
ഗീതാഞ്ജലി
22-10-2020