അത്താണി

 അത്താണി

"" "" "" "" "" ""
നീയെനിക്കാരാണെന്നു ചൊല്ലൂ പ്രിയേ
നീറുമെൻ ഹൃത്തിനു സാന്ത്വനമേകി നീ
അത്താണിയായിന്നു നീയെനിക്കേകി
അണയാത്ത സ്നേഹത്തിൻ  കുളിരും

അറിയാതെപോയി നിൻ സ്നേഹം
അറിയാതെപോയി നിന്നാർദ്രതയും
അറിയുന്നു വൈകിയാണെങ്കിലും
അനുഭവിച്ചീടുന്നു നിൻ സാന്ത്വനം

അഗതിയായലയുന്ന വേളയിലെൻ
അഭയമായിരുളിൽ വിളക്കായി നീ
നിറയുന്നെൻ മിഴിയാനന്ദാശ്രുവാൽ
നിന്നെക്കുറിച്ചുള്ള ചിന്തകളാലെന്നും

അകതാരിലെരിയുന്ന കനലിൻ ചൂട്
അവസാനമില്ലാതെ തുടരുമ്പോഴും
അരികത്തു നിന്നുടെ സാമീപ്യമിന്നു
അണയ്ക്കുന്നാ ചൂടിൻ കനലുകൾ

നിന്നുടെ സ്നേഹഗീതങ്ങളെന്നും
നെഞ്ചിലേറ്റിടുന്നു മോദമോടിനി
നിറയ്ക്കാം ഞാൻ ഹൃദയത്തിൽ
നിന്നെക്കുറിച്ചുള്ള നിനവുകൾ 
"" "" "" "" "" "" "" "" "" "" "" "" "" "" "" "
ഗീതാഞ്ജലി
23-10-2020