ശംഖ്
"" "" "" "
അന്നൊരു വലംപിരിശംഖിലെ നാദംപോൽ
"" "" "" "
അന്നൊരു വലംപിരിശംഖിലെ നാദംപോൽ
എന്നാത്മാവിനുള്ളിൽ നിറഞ്ഞിരുന്നു നീ
ഇന്നുനീയെന്നെവിട്ടകലവേ മമപ്രാണൻ
മുത്തടർന്നുവീണൊരു ചിപ്പിപോലെ!
കാതോർത്തതില്ല നീ ചിപ്പിതന്നുള്ളിലെ
കരളുരുകുന്നതാമാർത്തനാദം
കണ്ടതില്ലൊരുനാളുമെൻമനം ചീന്തവേ
മുത്തുപോൽത്തിളങ്ങിടുമെൻസ്നേഹം നീ
കാത്തുസൂക്ഷിച്ചൊരു മുത്തിനെത്തേടി
കാണാക്കയങ്ങളിലലയുന്ന ചിപ്പിയായ്
ആഴിതന്നാഴത്തിലൊരു പവിഴത്തുരുത്തിൽ
ആശയൊഴിഞ്ഞു ഞാൻ തേങ്ങീടട്ടേ
കാമിനിമാരൊത്തുനീയാടിത്തകർക്കുമ്പോൾ
കേൾക്കാതെപോയൊരെന്നുൾത്തുടിപ്പിൻ
മൂല്യമറിയാതെ നീ തള്ളുവാനൊരുങ്ങവേ
മുത്തായൊളിക്കുന്നൊരു ചിപ്പിതന്നിൽ
'''''''''''''''''''''
ഗീതാഞ്ജലി
13-2-18
No comments:
Post a Comment